ನನ್ನ ಕಷ್ಟಗಳಲಿ ಬೆಂಗಾವಲಿಗೆ ನಿಂತಾಕೆ
ನನ್ನ ಗೆಲುವಿನಲಿ ನನಗಿಂತ ನಲಿದಾಕೆಗೆ
ಅಮ್ಮನ ದಿನವೊಂದೇ ಸಾಕೆ?
ನಮ್ಮೆಲ್ಲರ ಹಿತಕೆ ಜೀವ ಸವೆಸಿದಾಕೆ
ಅನುದಿನವು ಅನುಕ್ಷಣವು ಮಮತೆಯ ವೃತದಲಿರುವಾಕೆಗೆ
ಅಮ್ಮನ ದಿನವೊಂದೇ ಸಾಕೆ?
ತಡವಾಗಿ ಬಂದರೆ ಬಾಗಿಲಲೆ ಕಾಯ್ವಾಕೆ
ಅಲ್ಪ ಸ್ವಲ್ಪ ದ ನನ್ನ ಜ್ವರಕೂ ಹಗಲಿರುಳು ನಿದ್ದೆಗೆಡುವಾಕೆಗೆ
ಅಮ್ಮನ ದಿನವೊಂದೇ ಸಾಕೆ?
ತಲೆಬುಡವಿಲ್ಲದ ನನ್ನ ಹರಟೆಗೆ ಕಿವಿಗೊಡುವಾಕೆಗೆ
ನನ್ನ ಹಾಲಾಹಲವ ಕ್ಷಣಮಾತ್ರದಿ ಅರಿವ ಅಂತರಂಗದ ಸಖಿಯೀಕೆಗೆ
ಅಮ್ಮನ ದಿನವೊಂದೇ ಸಾಕೆ?
ಕಾಣದ ಕರುಳಬಳ್ಳಿ ಇನ್ನೂ ಅಂಟಿಸಿಕೊಂಡಾಕೆ
ಪ್ರತಿದಿನವೂ 'ಅಮ್ಮನ ದಿನ' ಮಾಡಿದರೂ ಋಣ ತೀರೀತೇ?
No comments:
Post a Comment